Перейти к основному содержанию
урф-адетлеримизни унутмайыкъ
АЛТАЙЛЫГЪА
Бизмиз акъикъат арсланы, Джынгьыз, Тимур уллары, 
Давут салгъан тёгерекке Танърынынъ гурь къуллары.
Бузлы тавлар, терен джарлар, джылгьаларны атлатып, 
Джебэ чалгьан, копюк къускъан джуйрюклерни патлатып,
Джансыз тургьан тар дюньянынъ чёллерине джайылдыкь,
Несли чурюк батырларнынъ биз Танърысы сайыдцыкъ. 
 
Талий къайтгы, тартты узун джылан башын тшследи, 
Джав-джаранынъ къайгьулары беллерин дёрт букледи.
Коп къыйнаса, джылатса да бизни къара бахтымыз,
Харланса да къаракъ къалмаз таш темелли тахтымыз. 
 
Къыяметтен бурун бизни, джеэннемге салманъыз! 
Къолунъызда джурук кучьмен бизге аякъ чалманъыз.
Миллионларман йыл кечсе де кинли джигит союмыз, 
Ич джойтулмаз турар экеч мунълы джырлар, тоюмыз, 
Бухар болып кокке чыкьар, бурчакъдайын джавармыз, 
Кунь тувуштан тап батыгьа дерьядайын авармыз.
 
Эй Алтайнынъ тазеленген, солмагъан ал гуллери! 
Узакьлардан бир-бирине джырлагьан бульбуллери! 
Ёкъмы бизде ич тиль, авуз, дертлешмеге, айтмагьа? 
Джуйруклерни айландырып, къарт девирге къайтмагьа?
Джанъгъыртайыкъ къарт дюньяны дестан болсун тиллерде,
Не акъсызлыкь, не хорлукь бу? Бизнинъ есир иллерде,
Союмызны яраткъанда кучьни берген Танърымых, 
Джав алдында ярдым къолунъ бизге керген Танърымыз.
 
Эт бир эмир, туранлылар къырылтайны джыяйыкъ, 
Юртумызны баскъан сельге тюбден тыяйыкъ.
Октябрь 16-28, Акъмесджит , 1920
 
Источник
http://anaurt.com