Noman İbraim оğlu Çelebicihan (arap urufatında: نومان ابراهيم اوغلى چلبى جهان) (1885 - 1918) - şeit ketken Qırımtatar milliy qaramanıdır. Qırım musulmanlarınıñ müftisi, siyasetçi, şair, I Qırımtatar Milliy Qurultayı prezidiumınıñ azası, Qırım Halq Cumhuriyetiniñ ükümet reisi.
Noman Çelebicihan
Noman Çelebicihan 1885 senesi Or uyezdiniñ Büyük Sunaq köyünde doğdı (bu köy sürgünlikten soñ ğayıp oldı, viranesi Canköy rayonındabuluna). Yerli mektepte, soñra Kezlev medresesinde tasil aldı. 1908-1916 seneleri İstanbul ve Sankt-Peterburg universitetlerinde oqudı. Uquq ve tibbiyet fenlerini mükemmel ögrendi. 1908 senesi Cafer Seydamet ve başqa qırımtatar yaşlarınen türk inqilâbında iştirak etti. Aynı zamanda "Qırım Talebe Cemiyeti"ni teşkil etti. Qırımtatar halqınıñ çar ükümetiniñ zulumından qurtulması içün çalıştı.
1917 senesi mart ayında Qırım müftisi ve soñra Qırım Musulman İcra Komitetiniñ reisi olaraq saylandı. Ükümet başında eken, qırımtatar milletiniñ vaziyetini büs-bütün deñiştirmek ve milliy medeniyetni östürmek içün büyük ğayret ve sebat kösterdi.
1918 senesi fevral 23 künü bolşevikler tarafından kiyikçesine öldürildi.
Noman Çelebicihan öz şiirlerini yaşlıq çağında yazmağa başladı. Büyük istidat ile yazılğan lirikası felsefiy mizacı ile ayırılıp tura. Bir sıra eserinde teren vatanperverlik duyğuları açıq körüne. “ Ant Etkenmen!” şiiriniñ metni şimdi qırımtatar halqınıñ gimnidir.
“Çoban qızı” (1912), “Bastırıq” (1913), “Tatarlar Yurtu” (1914), “Yolcu Ğarip” (1916), “Sarı Lâle” (1917) kibi şiirlerinde ince lirikanen yüksek milliy pafos ve azadelik nağmeleri terennüm etile.
Noman Çelebicihannıñ 1913 senesi yazğan “Qarılğaçlar Duası” ikâyesi aqqında Cafer Seydamet böyle dedi: “Bu ikâye Qırım türkleri edebiyatınıñ ölmez bir parçası olaraq daima quvetini muafaza etecektir!”
Номан Челебиджихан 1885 сенеси Ор уездининъ Сонакъ Коюнде догъдаю Ерли мектепте, сонъра Кезлевде медреседе тасиль алды. 1908-1916 сенелери истамбул ве Санкт-Петербург университетлеринде окъуды. Укъукъ ве тыбб фенлерини мукеммель огренди. 1908 сенеси Джафер Сейдамет ве башкъа къырымтатар генчлери иле тюрк инкъилябында иширакъ этти. Айны заманда "Къырым талебе джемиети"ни тешкиль этип, халкъымызны чар укюметининъ зулумындан къуртылмасы ичюн чалышты.
1917 сенеси март айында Къырым муфтиси ве сонъра Къырым Мусульман Комитетининъ реиси оларакъ сайланды. Укюмет башында экен, миллетимизнинъ дурумыны бус-бутюн денъиштирмек ве миллий медениетимизни остюрмек ичюн буюк гъайрет ве себат косьтерди.
1918 сенеси февраль 23 куню большевиклер тарафындан киймкджесине къатиль этильди.
Номан Челебиджихан озь шиирлерини генчлик чагъында язмагъа башлады. Буюк истидат иле язылгъан лирикасы фельсефий мизаджы иле айырылып тура. Бир сыра эсерлеринде дерии ватанпереверлик дуйгъулары метии шимди хылкъымызнынъ гимнидир.
"Чобан къызы" (1912), "Бастырыкъ" (1913), "Татарлар юрду" (1914), "Ёлджу гъарип" (1916), "Сары ляле" (1917) киби шиирлеринде индже лирика иле юксек миллий пафос ве азаделик нагъмелери терениюм этиле.
Н. Челебиджихан 1913 сенеси язгъан "Къарылгъачлар дувасы" икяеси акъкъында Джафер Сейдамет Къырымэр бойле деди: "Бу икяе, къырым тюрклери эдебиятымызнынъ ольмез бир парчасы оларакъ, даима къуветини мухафаза этеджектир".
Номан Челебиджихан родился 1885 году в деревне Сопак Перекопского уезда. Образование получил сначала в местной школе, затем в Евпаторийском медресе. Учился также в Стамбуле и Санкт-Петербурге. Был прекрастным юристом, знал медицину. В 1908 году с Джафером Сейдаметом и передовой крымскотатарской молодежью принимал участие в создании "Общества студенческой молодежи и проявлял активность в политической деятельности, направленной на избавление своего народа от колониального режима.
В матре 1917 года был избран муфтием Крыма затем председателем Крымского Мусульманского Исполнительного Комитета.
Будучи главой правительства Крыма, проявил упорство и старание в улучшении положения своего народа и развития национальной культуры.
23 февраля 1918 года был зверски убит большевиками.
Свои стихи Номан Челебиджихан начал писать еще юношей. Его лирику, созданную с большим мастерством и талантом, отличает филосовский характер.
В ряде произведений воспеваются глубокие чувства патриотизма. Слова его "Ант эткенмен" ("Я поклялся!") сегодня стали гимном крымскотатарского народа.
Его стихотворения "Чобан къызы" ("Дочь пастуха") (1912г), "Бастырыкъ" ("Темница") (1913г), "Татарлар юрду" ("Отчизна татар") (1914г), "Ёлджу гъарип" ("Бедный путник") (1916г), "Сары ляле" ("Желтый тюльпан") (1917) отличаются глубоким национальным пафосом и свободолюбтем.
О рассказе "Къарылгъачлар дувасы" ("Молитва ласточек") Номан Челебиджихан, написанной в 1913 году, известный крымскотатарский деятель Джафер Сейдамет сказал:"Это произведение, будучи бессмертной частью лютературы крымских татар, вечно будет сохранять свою значимость и силу".
