"Ey,Allah!" Seitümer Emin
İsteseñ meni taşqa döndür,
Meni tek tuvğan yurtuma qaytar.
İsteseñ, sen meni yaq, isteseñ söndür…
Ömürlik adım qalsın qırımlı tatar!
İnşalla,
Ayaq bastım anna topraqqa!
Yoqtır keri yol – ölsem de, qalsam da.
Yer qazarım, taş üstüne taş qoyarım,
Baba-dede yurtumda ev qurarım,
Qanım tökülse de, ateşte yansam da.
Men yansam,
Külümni cayrat toprağımda,
Çöllerimde, bağ-bağçamda, toğayımda,
Halqımnıñ qartlarında, yaşlarında…
Категория
Источник
http://anaurt.com