Перейти к основному содержанию
урф-адетлеримизни унутмайыкъ

 

"МЕН СЕНСИЗ КЕЧАЛМАМ" ЮНУС ТЕМИРКЪАЯ
Бу къыскъа копюрден мен сенсиз кечалмам,
Тёшеме тахтасы алтыдан олса да.
Бир ютум сувумны сен сенсиз ичалмам,
Этрафым гъаркъ олып сув иле толса да.
 
Омюрге шефкъатнынъ кольгеси сюзюльсе,
Эр заман мен сени дёрт козьнен арарым.
Огюме гуллерден гузеллер тизильсе,
Мен сени оларнынъ периси санарым.
 
Гъайретнен тырышып аслынъа етмесем,
Эбедий азаплар джанымны ах-вахлар.
Сени мен ёлума ёлдашым этсем,
Гонълюмни дерт бийлер, юрегим къан агълар.
 
Бу къыскъа копюрден мен сенсиз кечалмам,
Тёшеме тахтасы алтыдан олса да.
Бир ютум сувумны сен сенсиз ичалмам,
Этрафым гъаркъ олып сув иле толса да.
 
"MEN SENSİZ KEÇALMAM" YUNUS TEMİRQAYA
Bu qısqa köpürden men sensiz keçalmam,
Töşeme tahtası altıdan olsa da.
Bir yutum suvumnı sen sensiz içalmam,
Etrafım ğarq olıp suv ile tolsa da.
 
Ömürge şefqatnıñ kölgesi süzülse,
Er zaman men seni dört köznen ararım.
Ögüme güllerden güzeller tizilse,
Men seni olarnıñ perisi sanarım.
 
Ğayretnen tırışıp aslıña yetmesem,
Ebediy azaplar canımnı ah-vahlar.
Seni men yoluma yoldaşım etsem,
Göñlümni dert biyler, yüregim qan ağlar.
 
Bu qısqa köpürden men sensiz keçalmam,
Töşeme tahtası altıdan olsa da.
Bir yutum suvumnı sen sensiz içalmam,
Etrafım ğarq olıp suv ile tolsa da.
 
Юнус Темиркъая
Юнус Темиркая

Категория

Источник
http://anaurt.com