Лугъат
Raziye Seytablayeva – Şaq-şaq
Kel, dülberim, kel yanıma,
Quçaqlap sarıl boynuma.
Seni körip quvanayım,
Saña oyun bağışlayım.
Kel, dülberim, kel yanıma,
Sen de qoşul oyunuma.
Göñülden oynap coşayım,
Saña quvanç bağışlayım.
Seni körsem, dünyalar menim,
Yüregim lıp-lıp ura,
Seni sevdim, menim yarem,
Sevgiñden qalbim yara.
Şaq-şaqıldayıq,
Külip-quvanayıq,
Turma yeriñde, oyna.
Şaq-şaqıldayıq,
Külip-quvanayıq,
Köter qollarıñ, oyna
Ah, güzelim, ah, civanım,
Tüş oyunğa, menim canım.
Kel, beraber şeñleneyik,
Can-göñülden sevineyik.
Bir külerim, bir oynarım,
Saña bu yırnı yırlarım,
Közleriñde ateş yana,
Menim canım, bağlı saña.
Seni körsem, dünyalar menim,
Yüregim lıp-lıp ura,
Seni sevdim, menim yarem,
Sevgiñden qalbim yara.
Şaq-şaqıldayıq,
Külip-quvanayıq,
Turma yeriñde, oyna.
Şaq-şaqıldayıq,
Külip-quvanayıq,
Köter qollarıñ, oyna.