Перейти к основному содержанию

Юнус Къандым

Yunus Qandım

1959–2005 13 книг автор, составитель, редактор

Юнус Къандым 1959 сенеси сентябрь 4-те Ташкент виляетининъ (Озьбекистан Джумхуриети) Акъкъургъан районында догъды. Кой орта мектебини битирген сонъ5 1976 сенеси Ташкент педагогика институтынынъ къырымтатар тили ве эдебияты болюгине кирди. Институтны битирген, сонъ, «Ленин байрагъы» газетасында чалышты.

1989 сенеси Къырымгъа кочип кельген Юнус Къандым «Ленин байрагъы» газетасынынъ Къырым, Херсон виляети, Краснодар улькеси боюнджа мухбири, «Достлукъ» газетасынынъ хадими олып чалышты, Акъмесджитте Къырымтатар медениети вакъуфынынъ реиси, «Янъы дюнья» газетасынынъ болюк мудириваазифелеринде чалышты.

Юнус Къандымнынъ биринджи шиири «Окъув залында» 1979 сенеси «Ленин байрагъы» газетасында басылды. Бундан сонъ онынъ шиирлери, икяе ве очерклери газеталарда, меджмуаларда, ортакъ джыйынтыкъларда сыкъ-сыкъ басылып башладылар. Шаирнинъ бир сыра эсерлери рус, украин, азербайджан, тюрк, инглиз, немее, озьбек ве дигер тиллерде дердж этильдилер, базы шиирлерине исе, бестекярлар музыка яздылар.

Юнус Къандым «Сервиназ» моно операгъа либретто язды. О, джиан эдебиятынынъ корюмли векиллерининъ эсерлерини ана тилимизге терджиме этювде де фааль чалышмакъта. Къырымтатар окъуйыджылары Юнус Къандымнынъ терджимелери вастасынен Шекспирнинъ сонетлеринен, Лермонтов, Ю. Мушкетик, М. Коцюбинский, М. Танк, П. Бровка, А. Вознесенский, Р. Рождественский, Ю. Друнина, Р. Гамзатов киби шаирлернинъ эсерлеринен таныш олдылар. Къырымтатар языджысы Джынгъыз Дагъджынынъ тюркче язгъан «Олар да инсан эди», «Юртуны гъайып эткен адам», «Къоркъунч йыллар9’ романларыны ана тилимизге чевирди.

1982 сенеси «Къарылгъачлар» ортакъ джыйынтыгъында Юнус Къандымнынъ шиирлер циклы дердж олунды. 1988 сенеси «Сен денъизге бенъзейсинъ» адлы биринджи шиирий джыйынтыгъы Ташкентте басылып чыкъты. 1991 сенеси Къырымда Юнус Къандымнынъ «Къурултай. О насыл олгъан эди?» адлы тарихий очерки китап алында нешир этилъди.

1997 сенеси Киевде Юнус Къандымнынъ «Сары ань» адлы шиирий китабы къырымтатар ве украин тиллеринде, 2002 сенеси «Куреш меданыны от басмаз…» адлы тарихымызгъа аит китабы Акъмесджитте басылып чыкъты.

Юнус Къандым 1989 сенеси Бакуда отькерильген Бутюниттифакъ яш языджы ве шаирлернинъ симпозиумында, 1992 сенеси Тюркиеде «Тюрк дюньясы шаирлери корюшюви»нде, ондан сонъ Констанца шеэринде (Романия) «Янъы Авропа ве тюрк-татар проблемалары» Халкъара симпозиумында иштирак этти

Юнус Къандым 1989 сенесинден Языджылар бирлигининъ азасы эди.

О, 2005 сенеси март 20-де Акъмесджит шеэринде вефат этти.

Источник: З. Къуртнезир, «Къырымтатар эдиплери» (2014), статья №168 Открыть книгу-источник

Книги автора

↑