Ziyadin Cavtobeli

Menim Qırımım



Hayalsırap kezem Vatan töründe,

Qocaman çayrlar, bağlar ogümde,

Tabiat ruh bere talğan goñülge,

Hatrımda levhaday canlana, Qrım!



Erekte yaslanıp yata taş-dağlar,

Qayalıq, ormanlıq, zumrüt tüs-bağlar.

Şırıl-şırıl yayladan aqar irmaqlar,

Tabiat dülberi, şırnıqlı, Qırım!



Dağlardan uzana ozen burulıp,

Yer yalap, qayalar, taşqa urulıp.

Vadiyler yüzüni yuva durulıp,

Na lâyıq manzara bağrıñda, Qırım!



Qırımğa daima cennet degenler,

Oña meftün ola mında kelgenler

Omürlik unutmay seni korgenler

Dağıñnı, taşıñnı, suvuñnı, Qırım!



Hayalsırap kezem sennen er adım,

Yurekte yaşaycaq muqaddes adıñ,

Anamsıñ sen menim, men seniñ evlâdıñ,

Toprağıñ, taşıñnen menimsiñ, Qırım!