Тезхир (хатырлатув) (идарее мектюп)

Мухтерем муаррир эфенди! “Кобелек” ве ‘Ант эткенмен” манзумелери язылдыкътан сонъра узун бир мазынынъ ренксиз ве идаресиз тозлары арасында унутылмая, атта чюрюмее махкюм олунмышларды. Дюнь бу ики кучюк ве эски эсеримни “Терджиман’’нынъ темиз ве мухтешем сутунлары арасында бирден-бире умютсизден корьдюгим заман джюдаъи мемнюн олдым. Чюнки бу бенлигимде къувет ве джесарет-и хаятийе хисидемиерек нисъяне, хатти олюме махкюм олан ики мевджуды текрар хаяте атмакъ, джанландырмакъ киби бир шейиди. Бунынъ ичюн сизе бильхасса арз тешеккюр идерим. Факъат теэссюф олуныр ки, бу парчаларнынъ эр икиси, дахи бир къач мустенасх хатасындан халий къалмамышлар. Шойле ки, “Ант эткенмен” манзумесининъ секизинджи мисрасы олан: “Козьлеримден яшлар акъсын, дерья, денъиз къан болсун» джумлеси асыл нусхада: “Козьлеримден акъкъан яшлар дерья, денъиз къан болсун”, иди. “Кобелек” манзумесинде исе икинджи къытъанынъ дёртюнджи мисрасыны тешкиль иден: “Бир даа сонъ корамады” ибареси дахи бутюн-бутюне дердж олунмамыш, къалмыш да, ялынъыз: “Кобелеги тутамады” мисрасы иле иктифа олунмыш. Бенденъизин бу ане къадар матбуата ве энзар-и умумиее арз итмейе джесарет идемедигим бу къырыкъ, дёкюк татар сёзлерине мадам ки, Кезлеве Джемиет-и Хайриеси мектебининъ мухтерем Хейет-и таълимиеси тарафындан рус ве тюрк шаирлерининъ аъсар-и бедиъийее ве ульвиелери арасында бир мевкъы бахш идилерек мектеп талебесининъ лисанына вирильмиш, димагъына тевдх олунмыштыр, эм де татарджа бир манзуме олмакъ узере огредильмиштир. О хальде онынъ догъру оларакъ бильдирильмеси иктифа идер. Насхы эльде иде бильмиш олдугъым язылардаки бу хаталарнынъ тезхихине шитаб итмек исе беним миллий ве таълимий бир вазифем олдугъындан беленддеки сехв ве хаталары керек мектеп талебесининъ ве керек саъир “Терджиман” окъуйыджыларынынъ назар дикъкъатларына арз итмее меджбуриет-и виджданийе бильдим. Челеби Джихан Номан Акъмесджит, январь дёрт, бинъ докъуз юз он еди. “Терджиман”, № бешянварь алты, бинъ докъуз юз он еди.